کراچی: بیرونِ ممالک گداگری میں ملوث عناصر کے خلاف کریک ڈاؤن جاری ہے، باہر جانے والے مسافروں کی سخت اسکریننگ کی جارہی ہے۔
تفصیلات کے مطابق ڈائریکٹر جنرل ایف آئی اے کی ہدایت پر مسافروں کی سخت اسکریننگ جاری ہے۔ گداگری کی روک تھام کے لیے تمام ایئرپورٹس کو خصوصی مراسلہ جاری کیا گیا ہے۔
ڈی جی ایف آئی اے نے بتایا کہ ملک بھر کے ایئرپورٹس سے 74 مسافروں کو آف لوڈ کیا گیا۔ مسافروں کو آف لوڈ کر کے اینٹی ہیومن ٹریفکنگ سرکلز منتقل کیا گیا۔
انھوں نے کہا کہ بھیک مانگنے میں ملوث ملزمان کے پاسپورٹس بلیک لسٹ کیے جائیں گے، عمرہ زائرین کو ٹریول ہسٹری تجزیہ رپورٹ کی بنیاد پر جانے کی اجازت دی جائے۔
ڈی جی ایف آئی اے کا اس حوالے سے مزید کہنا تھا کہ عمرہ زائرین کی مکمل اسکریننگ اور پروفائلنگ کو یقینی بنایا جائے۔
انھوں نے کہا کہ مسافروں کے سامان کی چیکنگ کو یقینی بنایا جائے۔ عمرہ زائرین کے پاس مطلوبہ رقم کی موجودگی کو یقینی بنایا جائے۔
