اسلام آباد: قومی کرکٹر آصف علی کینسر کے مرض میں مبتلا اپنی بیٹی کو علاج کے لیے امریکا لے جارہے ہیں، انہوں نے اپنی بیٹی کی صحت کے لیے دعاؤں کی اپیل کی ہے۔
تفصیلات کے مطابق مڈل آرڈر بلے باز آصف علی نے سماجی رابطے کی ویب سائٹ ٹویٹر پر لکھا کہ ’میری بیٹی اسٹیج فور کینسر کے خلاف لڑ رہی ہے، ہم اسے علاج کے لیے امریکا لے جارہے ہیں۔
آصف علی نے ایک گھنٹے کے اندر ویزا جاری کرنے پر اسلام آباد میں امریکی سفارت خانے اور لاہور میں امریکی قونصلیٹ کی تعریف کی۔
My daughter is fighting the stage IV cancer and we are taking her to US for her treatment. A big shout out to @usembislamabad and @USCGLahore for issuing the visa to us within an hour. Special thanks to Mike, Elizabeth, Tanveer & @TalhaAisham Bhai. Keep my princess in your Duas!
— Asif Ali (@AasifAli2018) April 22, 2019
انہوں نے مداحوں سے اپنی ننھی پری کی صحت یابی کے لیے دعاؤں کی درخواست کی ہے۔
آصف علی کے ٹویٹ کے جواب میں فاسٹ بولر محمد عامر نے لکھا کہ فکر نہ کرو بھائی ہماری دعائیں ننھی شہزادی کے ساتھ ہیں۔
Inshallah don't worry bro prayers for little princess 🙏🙏🙏🙏
— Mohammad Amir (@iamamirofficial) April 22, 2019
سہیل تنویر کا کہنا تھا کہ ’اللہ صحت والی زندگی عطا کرے ننھی پری کرو۔‘
Allah sehat wali zindagi ata kry nani pari ko…
— Sohail Tanveer (@sohailmalik614) April 22, 2019
فاسٹ بولر وہاب ریاض نے کہا کہ ’انشاء اللہ وہ بہت صحت یاب ہوجائے گی۔‘
INSHALLAH she will get well soon .
— Wahab Riaz (@WahabViki) April 22, 2019
واضح رہے کہ پی ایس ایل کے دوران اسلام آباد یونائیٹڈ کے کوچ ڈین جونز میڈیا سے گفتگو کرتے ہوئے آصف علی کا ذکر آیا تو وہ اپنے جذبات پر قابو نہ رکھ سکے تھے۔
ڈین جونز نے ہچکیاں لیتے ہوئے کہا تھا کہ آصف علی کی بیٹی بہت بیمار ہے۔۔۔ بہت شدید بیمار۔۔۔۔ یہ کہہ کر وہ روتے ہوئے پریس کانفرنس سے اٹھ گئے۔
جس نے بھی یہ مناظر دیکھے، وہ ایک غیر ملکی کوچ کے پاکستان کے کھلاڑی اور ان کی بیٹی کے لیے ایسے جذبات دیکھ کر خود پر قابو نہیں رکھ سکا۔