The news is by your side.

Advertisement

کرکٹر آصف علی کی بیٹی کے لیے دعاؤں کی اپیل

اسلام آباد: قومی کرکٹر آصف علی کینسر کے مرض میں مبتلا اپنی بیٹی کو علاج کے لیے امریکا لے جارہے ہیں، انہوں نے اپنی بیٹی کی صحت کے لیے دعاؤں کی اپیل کی ہے۔

تفصیلات کے مطابق مڈل آرڈر بلے باز آصف علی نے سماجی رابطے کی ویب سائٹ ٹویٹر پر لکھا کہ ’میری بیٹی اسٹیج فور کینسر کے خلاف لڑ رہی ہے، ہم اسے علاج کے لیے امریکا لے جارہے ہیں۔

آصف علی نے ایک گھنٹے کے اندر ویزا جاری کرنے پر اسلام آباد میں امریکی سفارت خانے اور لاہور میں امریکی قونصلیٹ کی تعریف کی۔

انہوں نے مداحوں سے اپنی ننھی پری کی صحت یابی کے لیے دعاؤں کی درخواست کی ہے۔

آصف علی کے ٹویٹ کے جواب میں فاسٹ بولر محمد عامر نے لکھا کہ فکر نہ کرو بھائی ہماری دعائیں ننھی شہزادی کے ساتھ ہیں۔

سہیل تنویر کا کہنا تھا کہ ’اللہ صحت والی زندگی عطا کرے ننھی پری کرو۔‘

فاسٹ بولر وہاب ریاض نے کہا کہ ’انشاء اللہ وہ بہت صحت یاب ہوجائے گی۔‘

واضح رہے کہ پی ایس ایل کے دوران اسلام آباد یونائیٹڈ کے کوچ ڈین جونز میڈیا سے گفتگو کرتے ہوئے آصف علی کا ذکر آیا تو وہ اپنے جذبات پر قابو نہ رکھ سکے تھے۔

ڈین جونز نے ہچکیاں لیتے ہوئے کہا تھا کہ آصف علی کی بیٹی بہت بیمار ہے۔۔۔ بہت شدید بیمار۔۔۔۔ یہ کہہ کر وہ روتے ہوئے پریس کانفرنس سے اٹھ گئے۔

جس نے بھی یہ مناظر دیکھے، وہ ایک غیر ملکی کوچ کے پاکستان کے کھلاڑی اور ان کی بیٹی کے لیے ایسے جذبات دیکھ کر خود پر قابو نہیں رکھ سکا۔

Comments

comments

یہ بھی پڑھیں