The news is by your side.

Advertisement

معروف کرکٹر کرس گیل نے ورلڈ کپ کے بعد ریٹائرمنٹ کا اعلان کردیا

باربا ڈوس : دنیائے کرکٹ میں یونیورس باس کے نام سے مشہور ویسٹ انڈین بلے باز کرس گیل نے ورلڈ کپ دوہزار انیس کو اپنے ون ڈے کیریئر کا آخری ایونٹ قرار دے دیا ہے۔

تفصیلات کے مطابق بولرز کیلئے دہشت کی علامت سمجھے جانے والے جارح مزاج بیٹسمین اور یونیورس باس کرس گیل نے ون ڈے کرکٹ سے ریٹائرمنٹ کا اعلان کردیا۔

ماسٹر اسٹورم کرس گیل کا کا کہنا ہے کہ ورلڈ کپ دوہزار انیس ان کا آخری ایونٹ ہوگا اس کے بعد وہ ون ڈے کرکٹ کو خیر باد کہہ دیں گے۔

جب بھی گیل کا بلا چلتا ہے تو کسی کپتان کا داؤ چلتا ہے اور نہ ہی کوئی حکمت عملی کام آتی ہے۔ کرس گیل ون ڈے میں ڈبل سنچری اسکور کرنے والے واحد ویسٹ انڈین بیٹسمین ہیں۔

جارح مزاج بیٹسمین نے اپنے ایک انٹرویو میں کہا ہے کہ یونیورس باس کا خطاب قبر میں بھی ان کے ساتھ جائے گا،  وہ اب اسٹینڈز میں بیٹھ کر نوجوان کرکٹرز کو دیکھنا چاہتے ہیں، ان کی خواہش ہے کہ کیریئر کا اختتام ورلڈ کپ کی جیت کے ساتھ ہو.

واضح رہے کہ پینتیس سالہ گیل دو سو چوراسی میچز میں تئیس سنچریوں کی مدد سے دس ہزار رنز بنا چکے ہیں, جب کہ پارٹ ٹائم آف اسپنر ایک روزہ میچز میں اب تک 165 وکٹیں بھی اپنے نام کرچکے ہیں.

ورلڈ کپ کے لیے ویسٹ انڈیز اسکواڈ میں منتخب ہونے کی صورت میں کرس گیل اپنے کیرئیر کا پانچواں ورلڈ کپ کھیلیں گے۔گیل کے بیس سال کے ون ڈے کیرئیر کے اختتام کے بعد بولرز کو شاید سکھ کا سانس لینے کا موقع مل جائے گا۔

Comments

comments

یہ بھی پڑھیں