بھارتی خاتون کرکٹر اور یوپی پولیس کی ڈی ایس پی دیپتی شرما کو اس کے بہترین دوست نے لاکھوں کا چونا لگادیا۔
بھارتی میڈیا رپورٹس کے مطابق بھارتی خاتون کرکٹر دیپتی شرما کی قریبی دوست نے اس کے فلیٹ سے 25 لاکھ کی بڑی رقم چرالی، حیران کُن طور پر اس کی دوست بھی کرکٹر ہے۔ سارا معاملہ سی سی ٹی وی کیمرے میں ریکارڈ ہوگیا۔
رپورٹس کے مطابق کرکٹر آروشی اپنی دوست دیپتی شرما کے فلیٹ پر پہنچی اور وہاں سے زیورات، نقدی اور غیر ملکی کرنسی چرا لی۔ اس سلسلے میں دیپتی شرما کے بھائی سمیت شرما نے پولیس میں شکایت درج کرادی ہے۔
پولیس کو سمیت شرما نے بتایا کہ اس کی بہن دیپتی کا کہرائی کے قریب فلیٹ ہے۔ دیپتی کی روہنی، نارتھ ویسٹ، دہلی کی رہنے والی آروشی گوئل سے قریبی دوستی ہے، جو ان کے ساتھ جونیئر ٹیم میں کھیل چکی ہیں۔ آروشی فی الحال آگرہ کینٹ ریلوے اسٹیشن پر جونیئر کلرک کے طور پر تعینات ہے۔
ان کی دوستی کے باعث آروشی، اس کی ماں اور والد نے تقریباً 25 لاکھ روپے ان کے بینک اکاؤنٹس میں منتقل کیے تھے۔ جب بھی بہن دیپتی شرما پیسوں کا مطالبہ کرتی، آروشی بہانہ کرتی۔ اب آروشی اور اس کے خاندان والے نہ صرف بدتمیزی کر رہے ہیں بلکہ پیسے دینے سے بھی صاف منع کردیا ہے۔
سمیت شرما نے بتایا کہ بہن دیپتی نے آروشی کو اپنے فلیٹ میں آنے سے منع کر دیا تھا۔ یہ 22 اپریل 2025 کا واقعہ ہے۔ جب آروشی چوری چھپے فلیٹ پر آئی۔ فلیٹ میں داخل ہونے کے بعد آروشی نے ڈھائی ہزار ڈالر، طلائی زیورات اور نقد رقم چرالی،یہ پورا واقعہ سی سی ٹی وی میں قید ہو گیا۔ دیپتی اُس وقت بیرون ملک میں تھی۔
ٹنڈولکر ’’چائے کے کپ‘‘ کے ساتھ ٹویٹ کر کے بڑی مشکل میں پھنس گئے
سی سی ٹی وی چیک کیا گیا تو اس بات کی تصدیق ہوئی کہ آروشی پہلے آئی تھی اور اسی نے رقم چرائی، صدر پولیس کا کہنا ہے کہ معاملہ درج کرکے تحقیقات کا آغاز کردیا گیا ہے۔
