گوجرانوالہ میں پاکستانی ٹیم کے فاسٹ بولر کرکٹر حسن علی کی والدہ سے ڈکیتی کا افسوسناک واقعہ رونما ہوا۔
قومی کرکٹر حسن علی کے بھائی خرم کا کہنا تھا کہ والدہ بازار جارہی تھیں کہ اس دوران ڈاکو والدہ سے پرس چھین کر فرار ہوگئے، پرس میں 2 لاکھ 30 ہزار روپے موجود تھے۔ حسن علی کے بھائی خرم کے مطابق واردات کرنے والے دو ملزمان موٹر سائیکل پر پہنچے تھے۔
پولیس کا کہنا ہے کہ علاقے کی ناکہ بندی کردی ہے، ملزمان کو جلد گرفتار کرلیا جائے گا۔
حسن علی کی فیملی کے ہمراہ تصاویر وائرل:
پی ایس ایل 10 میں کراچی کنگز کی نمائندگی کرنے والے فاسٹ بولر حسن علی کی فیملی کے ساتھ تصاویر سوشل میڈیا کی زینت بن گئیں۔
سوشل میڈیا کے مختلف پلیٹ فارمز پر وائرل تصاویر میں فاسٹ بولر کی اہلیہ سامعہ اور دونوں بیٹیوں کے ساتھ گراؤنڈ میں موجود ہیں۔
ایک تصویر میں اداکارہ عروہ حسین بھی حسن علی کی فیملی کے ساتھ موجود ہیں۔
تصاویر میں سامعہ کراچی کنگز کے کپتان ڈیوڈ وارنر کے ساتھ بھی سیلفی بنا رہی ہیں جبکہ اداکارہ مایا علی بھی ان کے ساتھ موجود ہیں۔
واضح رہے کہ پی ایس ایل 10 میں کراچی کنگز کے میچ کے دوران اہلیہ سامعہ بھی شوہر کو سپورٹ کرنے کے لیے موجود ہوتی ہیں۔
عالمی اسنوکر چیمپئن محمد آصف کی والدہ انتقال کرگئیں
ایک انٹرویو میں کرکٹر نے لڑکیوں کی خوبصورتی سے متعلق ایک سوال کے جواب میں بتایا تھا کہ مجھے نہیں معلوم کہ پاکستان کی لڑکیاں زیادہ پیاری ہیں یا ہندوستان کی، مجھے جو پیاری لگی میں نے اسی سے شادی کرلی۔
