کراچی: قومی ویمن ٹیم کی آل راؤنڈر کائنات امتیاز نے لاک ڈاؤن کے دوران سادگی سے منگنی کرلی۔
تفصیلات کے مطابق قومی ویمن کرکٹ ٹیم کی آل راؤنڈر کائنات امتیاز نے فرسٹ کزن ارشمان علی سے منگنی کرلی جس کی اطلاع انہوں نے سماجی رابطے کی ویب سائٹ ٹویٹر پر دی۔
انہوں نے ٹویٹر پر خوبصورت تصویر شیئر کی جس میں دیکھا جاسکتا ہے کہ کائنات کو ان کے منگیتر ارشمان انگوٹھی پہنا رہے ہیں۔
Finally I said YES! 💍
17th July 2020 💕
Engaged, Allhumdullilah 😇 🧿 pic.twitter.com/AgpdoLA8n7— Kainat Imtiaz (@kainatimtiaz16) July 18, 2020
کائنات امتیاز نے لکھا کہ آخرکار میں نے ہاں کہہ دی، میری منگنی ہوگئی، الحمدللہ۔
کوویڈ 19 کے باعث منگنی کی تقریب انتہائی سادگی سے منعقد کی گئی، گزشتہ روز منعقدہ تقریب میں چند قریبی رشتہ دار شریک ہوئے۔
کائنات امتیاز کو مداحوں اور ساتھی کھلاڑیوں کی جانب سے مبارک باد اور نیک خواہشات پر مبنی پیغامات شیئر کیے جارہے ہیں۔
