کراچی: قومی ویمن کرکٹ ٹیم کی کھلاڑی کائنات امتیاز رشتہ ازدواج میں منسلک ہوگئیں۔
تفصیلات کے مطابق قومی ویمن کرکٹ ٹیم کی کھلاڑی کائنات امتیاز شادی کے بندھن میں بندھ گئیں، ان کے نکاح کی تقریب کراچی میں منعقد ہوئی جبکہ رخصتی 30 مارچ کو ہوگی۔
کائنات نے سماجی رابطے کی ویب سائٹ ٹویٹر پر اپنے نکاح کی تصاویر شیئر کیں۔
قومی کرکٹر نے تصاویر کے ساتھ کیپشن میں لکھا کہ ’ماشا اللہ مسٹر اور مسز وقار الدین سے ملیے۔‘ انہوں نے تصاویر شیئر کرتے ہوئے نظربد سے بچنے کا ایموجی بھی لگایا۔
کائنات امتیاز نے ٹویٹر پر پوسٹ شیئر کرتے ہوئے الحمدللہ، نکاح یافتہ اور واکا ویڈنگ کے ہیش ٹیگ بھی لگائے۔
Nikkahfied ♥️
Meet Mr & Mrs Waqar uddin 😇🙈
MashALLAH 🧿#wakawedding #allhumdulilah #nikkahfiedPlease say MashALLAH 🥰 pic.twitter.com/h4PUz8YkXH
— Kainat Imtiaz (@kainatimtiaz16) March 26, 2022
انہوں نے مداحوں سے دعاؤں کی درخواست بھی کی۔
کائنات امتیاز کو ساتھی کھلاڑیوں کی جانب سے مبارک باد دی جارہی ہے، شرجیل خان نے بھی کائنات کو شادی کی مبارک باد پیش کی۔
Masha Allah congratulations
— Sharjeel khan (@SharjeelLeo14) March 26, 2022
قومی ٹیم نیوزی لینڈ میں جاری آئی سی سی ویمنز ورلڈکپ سے واپسی کے بعد کائنات کی رخصتی میں شریک ہوگی۔