سابق صدر پرویز مشرف کی وفات نے پاکستان کرکٹ ٹیم کے کھلاڑیوں کو بھی اداس کردیا ہے اور انہوں نے گہرے دکھ اور تعزیت کا اظہار کیا ہے۔
اے آر وائی نیوز کے مطابق سابق صدر جنرل ریٹائرڈ پرویز مشرف گزشتہ روز دبئی کے اسپتال میں انتقال کرگئے تھے۔ ان کے انتقال پر ملک سمیت دنیا بھر سے تعزیتی بیانات کا سلسلہ جاری ہے۔ پرویز مشرف کے انتقال نے قومی کرکٹرز کو بھی اداس کردیا ہے اور انہوں نے سماجی رابطوں کی ویب سائٹ ٹوئٹر پر دکھ اور تعزیت کا اظہار کیا ہے۔
سابق کپتان شاہد آفریدی نے ٹوئٹر پر اپنے اکاؤنٹ پر سابق صدر پرویز مشرف کے ساتھ ایک یادگار تصویر شیئر کی ہے اور لکھا ہے کہ ہم سب اسی کے بندے ہیں اور اسی کی طرف لوٹ کر جانا ہے۔
شاہد آفریدی نے سابق صدر کے اہل خانہ سے اظہار تعزیت کرتے ہوئے دعا کی کہ اللہ تعالیٰ پرویز مشرف کے لیے آسانیاں پیدا فرمائے۔
إِنَّا لِلّهِ وَإِنَّـا إِلَيْهِ رَاجِعونَ
To Him we belong & to Him we shall return. Sending my condolences to the family and loved ones. May Allah (SWT) make it easy for them and light the path to his hereafter. #Musharraf pic.twitter.com/pcmEAuL8ek— Shahid Afridi (@SAfridiOfficial) February 5, 2023
سابق کپتان شعیب ملک نے بھی پرویز مشرف کے انتقال پر گہرے دکھ اور تعزیت کا اظہار کیا ہے اور کہا ہے کہ پاکستان نے بہترین لیڈروں میں سے ایک کو کھو دیا ہے۔
انہوں نے پرویز مشرف کے لیے دعائیں اور اہل خانہ سے تعزیت بھی کی۔
إِنَّا لِلَّٰهِ وَإِنَّا إِلَيْهِ رَاجِعُون
Just came to know about Gen Pervez Musharraf passing away, condolences to his family & many prayers for Pervez Musharraf sahab’s soul. Pakistan has lost one of the finest leaders ever…#PervezMusharraf #Pakistan pic.twitter.com/c1OAvdwb7s
— Shoaib Malik 🇵🇰 (@realshoaibmalik) February 5, 2023
پاکستان کرکٹ ٹیم کے کپتان بابر اعظم نے بھی سابق صدر پرویز مشرف کے انتقال پر ان کے اہل خانہ سے تعزیت کا اظہار کیا ہے اور دعا کی ہے کہ اللہ تعالیٰ مرحوم سابق صدر کو جوار رحمت میں جگہ عطا فرمائے۔
Sharing my deepest condolences with the family of our former President #PervaizMusharraf. May his soul rest in peace.
Inna Lillah e wa inna ilaehe raji'eoun. pic.twitter.com/mgoMRezIZe
— Babar Azam (@babarazam258) February 5, 2023
قومی کرکٹ ٹیم کے اوپنر امام الحق نے اپنے تعزیتی پیغام میں کہا ہے کہ سابق صدر کے انتقال کی خبر سن کر گہرا دکھ ہوا ہے۔ اللہ تعالیٰ سے دعا ہے کہ وہ ان کی مغفرت اور اپنے جوار رحمت میں جگہ عطا فرمائے۔
Really sad to know about the passing away of former President #PervaizMusharraf sb. May Allah bless his departed soul with eternal peace ✨🤲🏼 pic.twitter.com/vRd12U2rzc
— Imam Ul Haq (@ImamUlHaq12) February 5, 2023
سابق کپتان محمد حفیظ نے بھی پرویز مشرف کے انتقال پر افسوس کا اظہار کیا ہے۔
إِنَّا لِلَّٰهِ وَإِنَّا إِلَيْهِ رَاجِعُونَ pic.twitter.com/pSflBmueSq
— Mohammad Hafeez (@MHafeez22) February 5, 2023
