وزیراعظم عمران خان سے سابق کرکٹرز اور دوستوں کی ملاقات:PM: IMRAN KHAN
The news is by your side.

Advertisement

وزیراعظم عمران خان سے سابق کرکٹرز اور دوستوں کی ملاقات

لاہور: وزیر اعظم عمران خان سے سابق کرکٹرز اور دوستوں نے ملاقات کی، ملاقات میں ٹیسٹ کرکٹر ذاکر خان اور جاوید زمان خان سمیت دیگر کرکٹرز شریک ہوئے۔

تفصیلات کے مطابق پی ٹی آئی چیئرمین عمران خان کے وزیر اعظم بننے کے بعد تمام شعبہ ہائے زندگی سے تعلق رکھنے والے افراد کی جانب سے مبارک باد پیش کی گئی، جبکہ متعدد اہم شخصیات سے ملاقاتیں بھی ہوئیں۔

وزیر اعظم سے آج بھی کرکٹرز اور دوستوں نے ملاقاتیں کیں، اس ملاقات میں ٹیسٹ کرکٹر ذاکر خان، جاوید زمان خان، عمرفاروق، میاں یوسف صلاح الدین ودیگر شریک ہوئے۔

وزیراعظم عمران خان نے مذاکرات پر زور دے کرامید بڑھا دی ہے،نوجوت سنگھ سدھو

خیال رہے کہ کرکٹ کی دنیا کے نامور شخصیات کی جانب سے عمران خان کو وزیر اعظم بننے پر مبارکباد دی گئی تھی، مبارکباد پیش کرنے والوں میں رمیز راجا، وسیم اکرم، انضمام الحق سمیت بھارتی کرکٹرز بھی شامل تھے۔

یاد رہے کہ قومی کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹوئٹر پر تاریخی کامیابی پر عمران خان اور پی ٹی آئی کو مبارکباد دیتے ہوئے کہا تھا کہ 22 سال کی جدوجہد بالآخر رنگ لے آئی۔

ملک میں ترقی کے لیے سب کوعمران خان کو سپورٹ کرنا چاہیے، شاہد آفریدی

انہوں نے یہ بھی کہا تھا کہ عمران خان سے عوام کوبہت توقعات ہیں، توقع ہے کہ عمران خان فرنٹ سے لیڈ کریں گے، تمام مخالف پارٹیوں اور میڈیا سے درخواست کرتا ہوں کہ نتائج تسلیم کریں اور پاکستان کی تعمیر نو میں مدد کریں۔

Comments

comments

یہ بھی پڑھیں