کراچی: عید قریب آتے ہی شہر قائد میں ڈکیتیوں کی واردات میں اضافہ ہوگیا، جبکہ صدر پولیس نے چھاپہ مار کر چھ منشیات فروشوں کو گرفتار کرلیا۔
تفصیلات کے مطابق کراچی کے علاقے اورنگی ٹاؤن اقبال مارکیٹ میں دکان پر ڈکیتی کی مزاحمت پر ڈاکوؤں کی فائرنگ سے تین افراد زخمی ہوئے جن میں ایک زخمی دم توڑ گیا۔
گلشن اقبال پولیس کی کارروائی کے دوران دواسٹریٹ کرمنل گرفتار کرلیئے، ملزمان سے اسلحہ، موٹرسائیکل اور چھینے گئے موبائل فونز برآمد کرلیئے گئے۔
پولیس نے گرفتار ملزمان کی نشاند ہی پر صدر میں شاپنگ سینٹر پر چھاپہ مارا، کارروائی کے دوران چھ ملزمان گرفتار ہوگئے، ملزمان آئس اور کرسٹل کا نشہ بیچنے والے گینگ سےتعلق رکھتے ہیں، گروہ میں شامل مزید ملزمان کی گرفتاری کیلئےکارروائیاں جاری ہیں۔
خیال رہے کہ گذشتہ دنوں شہرقائد میں سائٹ سپرہائی وے پولیس موبائل پر دہشت گردوں نے دستی بم سے حملہ کیا تھا، پولیس کی جوابی کارروائی میں ایک دہشت گرد ہلاک ہوا تھا۔
کراچی: پولیس موبائل پر دستی بم حملہ، جوابی کارروائی میں دہشت گرد ہلاک
اس سے قبل بھی متعدد بار پولیس موبائل پر حملے ہوچکے ہیں، سال 2014 میں نیپا چورنگی کے علاقے میں نامعلوم افراد کی طرف سے پولیس وین پر دستی بم سے حملہ کیا گیا تھا جس کے نتیجے میں 2 پولیس اہلکار زخمی ہوئے تھے۔
