آسٹریلیا میں ایک طویل اور خوفناک مگر مچھ کی 2 شارکس کو کھانے کی ویڈیو نے سوشل میڈیا صارفین کو خوفزدہ کردیا۔
یہ واقعہ آسٹریلیا کے کوئنز لینڈ کے ساحل پر پیش آیا جسے ایک خاتون نے اپنے موبائل فون میں ریکارڈ کرلیا۔
ویڈیو میں دیکھا جاسکتا ہے کہ ایک 4 فٹ طویل مگر مچھ پانی سے نکلا اور ساحل پر پڑے شارک کے 2 ننھے بچوں کو ایک ایک کر کے کھا گیا۔
شارک کو کھانے کے دوران مگر مچھ ساحل پر موجود افراد سے نہایت لاتعلق دکھائی دیتا ہے، اور بغیر کسی کی طرف متوجہ ہوئے اپنا کھانا کھا کر چلتا بنتا ہے۔
ویڈیو میں خاتون کہتی دکھائی دے رہی ہیں کہ وہ ان شارکس کو واپس پانی کی جانب دھکیلنا چاہتی تھیں لیکن مگر مچھ کو آتا دیکھ کر رک گئیں، وہ ان ننھی شارکس کو مگر مچھ کا نشانہ بنتے دیکھ کر سخت افسردہ ہیں۔
Comments
- Advertisement -
