منگل, مئی 20, 2025
اشتہار

مگرمچھ نے کسان کو سالم نگل لیا

اشتہار

حیرت انگیز

خونخوار مگرمچھ نے کام میں مصروف کسان پر حملہ کر کے ہلاک کر دیا اور اسے سالم نگل لیا گاؤں میں خوف وہراس پھیل گیا۔

یہ خوفناک واقعہ بھارت کے ضلع نارائن پیٹ کے ایک گاؤں میں پیش آیا جہاں کام میں مصروف ایک کسان پر مگرمچھ نے حملہ کیا اور مارنے کے بعد اس کو سالم نگل لیا۔

بھارتی میڈیا کے مطابق 55 سالہ گنکا تھمپا نامی کسان اپنے ساتھی کے ہمراہ دریا کے کنارے پانی کھینچنے کے لیے بجلی موٹر سے جڑی پائپ لائن کا والو چیک کر رہا تھا کہ اچانک عقب میں پانی سے ایک بڑے مگرمچھ نے نکل کر اس پر حملہ کر دیا۔

اس موقع پر اس کا ساتھی کسان کو بچانے میں ناکام رہا تو فوری طور پر گاؤں پہنچا اور گنکا کے اہلخانہ اور دیہاتیوں کو اطلاع دی جو فوری طور پر وہاں پہنچے اور گنکا کی تلاش شروع کر دی۔

کافی تلاش کے بعد انہیں کسان کی لاش مگرمچھ کے منہ میں نظر آئی اور وہ آدھی سے زیادہ لاش کو نگل چکا تھا۔ دیہاتیوں نے شور مچایا تو مگرمچھ لاش کو لے کر گہرے پانی میں چلا گیا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں