The news is by your side.

Advertisement

کرونا وائرس، برطانیہ میں بھی ایک مریض دم توڑ گیا

لندن: برطانیہ میں بھی کرونا وائرس کا پہلا مریض دم توڑ گیا جبکہ مریضوں کی تعداد 115 تک پہنچ گئی۔

نمائندہ اے آر وائی نیوز کے مطابق برطانیہ میں کرونا وائرس سے متاثر ہونے والے افراد کی تعداد 115 تک پہنچ گئی جبکہ آج جمعرات کے روز ایک مریض دوران علاج دم توڑ گیا۔

برطانوی میڈیا رپورٹ کے مطابق اب تک 18 ہزار 38 شہریوں کے وائرس کی تشخیص  کےلیے ٹیسٹ کیے جاچکے ہیں جن میں سے 115 کے ٹیسٹ مثبت آئے۔

مزید پڑھیں: کرونا وائرس سے اموات کی تعداد 3286 ہو گئی

میڈیا رپورٹ کے مطابق برطانیہ میں کرونا وائرس تیزی سے پھیل رہا ہے، ایک روز قبل 34 کیسز سامنے آئے تھے جبکہ آج 28 کیسز رپورٹ ہوئے جنہیں اسپتال منتقل کردیا گیا۔

یاد رہے کہ چین کے شہر ووہان سے پھیلنے والا پراسرار مہلک وائرس دنیا کے 80 ممالک میں پھیل چکا ہے، اب تک دنیا بھر میں ہونے والی ہلاکتوں کی تعداد 3200 سے تجاوز کرگئی جبکہ 90 ہزار کے قریب لوگ متاثر بھی ہوئے۔

یہ بھی پڑھیں: کرونا وائرس کا برطانوی معیشت پر وار، ایئر لائن بند ہونے کا خدشہ

اسے بھی پڑھیں: برطانیہ میں کرونا وائرس پنجے گاڑھنا شروع، ایمرجنسی نافذ ہونے کا امکان

چین کے بعد اٹلی اور ایران میں سب سے زیادہ ہلاکتیں سامنے آئیں جبکہ اب تک امریکا میں بھی کرونا وائرس سے متاثر ہونے والے 10 افراد دم توڑ چکے ہیں۔

Comments

یہ بھی پڑھیں