The news is by your side.

Advertisement

عمران خان کی قیادت پاکستان کو ترقی کی سمت لے جا رہی ہے: سعودی ولی عہد

اسلام آباد: وزیر  اعظم عمران خان نے کہا ہے کہ ولی عہد کی جانب سے خود کو  پاکستان کا سفیر کہنا ہمارے لیے اعزاز ہے.

ان خیالات کا اظہار انھوں نے سعودی ولی عہد کے ساتھ نور خان ایئربیس پر مشترکہ پریس کانفرنس سے کرتے ہوئے کیا۔

پاکستان جیواسٹریٹیجک لحاظ سےاہم ملک ہے، آپ کی قیادت میں پاکستان ترقی کررہا ہے

ولی عہد محمد بن سلمان

پاکستان سے روانگی کے لئے سعودی ولی عہد شہزادہ محمد بن سلمان نورخان ایئربیس پہنچے، ایوان صدر سے نور خان ایئر بیس تک عمران خان نے خود ہی ولی عہد کی گاڑی ڈرائیو کی.

وزیر اعظم عمران خان نے کہا کہ سوشل میڈیارسپانس سے لگتا ہے کہ  آپ الیکشن لڑیں، تو مجھ سے زیادہ ووٹ ملیں گے، پاکستانیوں‌ کی آزادی کے فیصلے پر پاکستانی عوام کی جانب سے شکریہ ادا کرتے ہیں.

وزیر اعظم نے کہا کہ پاکستان اورسعودی عرب کے رشتوں میں نئے زاویے پیدا ہوئے ہیں، پہلی مرتبہ ہمارےتعلقات تمام شعبوں کااحاطہ کررہے ہیں.

اس موقع پر سعودی ولی عہد محمد بن سلمان نے کہا کہ پاکستان میں آکر خود کواپنے گھر میں محسوس کرتا ہوں، 2030 میں پاکستان دوبڑی معاشی طاقتوں کے درمیان اہم ملک ہوگا.

مزید پڑھیں: سعودی ولی عہدکو پاکستان کے اعلیٰ ترین ایوارڈ نشانِ پاکستان سےنواز دیا گیا

انھوں نے کہا کہ پاکستان کو آگے بڑھتے ہوئے دیکھ رہے ہیں، پاکستان کی ترقی میں ہم بھی اپناحصہ ڈالناچاہتے ہیں،  پاکستان آئندہ برس  بڑی معاشی حیثیت اختیارکرنے والا ہے، پاکستان سعودی عرب میں جو بھی معاہدے ہوئے، یہ شروعات ہے، پاکستان جیواسٹریٹیجک لحاظ سےاہم ملک ہے، وزیر اعظم عمران خان کی قیادت میں پاکستان ترقی کررہا ہے۔

اس خطاب کے بعد ولی عہد واپسی کے لیے اپنے طیارے میں سوار ہوگئے، وزیر اعظم اور آرمی چیف نے انھیں الوداع کہا۔

Comments

comments

یہ بھی پڑھیں