سعودی عرب میں سعودی ولی عہد و وزیر اعظم شہزادہ محمد بن سلمان نے بحیرہ احمر کے تحفظ کیلیے قومی حکمت عملی کا اعلان کردیا ہے۔
سعودی خبر رساں ادارے کی رپورٹ کے مطابق سعودی ولی عہد نے جس قومی حکمت عملی کا اعلان کیا ہے اس کے پانچ اہم نکات ہیں جن میں ماحولیاتی پائیداری، معاشی ترقی و استحکام، سماجی و معاشرتی ترقی اور سکیورٹی شامل ہیں۔
رپورٹس کے مطابق قومی حکمت عملی جاری کرنے کا مقصد بحیرہ احمر کے ماحولیاتی نظام کو محفوظ بناتے ہوئے معیشت کی پائیداری کو مستحکم کرنا ہے جس کے ذریعے ’بلیو اکانومی‘ کے متنوع ذرائع کو اختیار کرنا ہے جو مملکت کے وژن 2030 کے اہداف میں شامل ہے۔
اُن کا کہنا تھا کہ مملکت کی اولین ترجیح نئی جدت اور ایجادات کا فروغ ہے جس کے لیے ماحولیاتی پائیداری اور تحفظ بنیادی طورپر انتہائی اہمیت کا حامل ہے۔
ولی عہد کا کہنا تھا کہ سعودی عرب معاشی، جغرافیائی اور ثقافتی میدانوں میں نئی جہتوں کی جانب تیزی سے گامزن ہے۔
ولی عہد نے کہا کہ ’ریڈ سی سٹراٹیجی ملک میں ’بلیواکانومی‘ کے فروغ کے لیے انتہائی اہم ثابت ہو گی، علاوہ ازیں ماحولیاتی تحفظ کے میدان میں بھی بہتری ہوگی جو بحیرہ احمر کے پورے علاقے کے لیے مفید ثابت ہو گا۔
مسجد نبویؐ میں خواتین زائرین کے لیے اہم ہدایات جاری
اُن کا مزید کہنا تھا کہ ’یہ سٹراٹیجی مملکت کو عالمی سطح پر مستحکم معیشت کے حوالے سے ممتاز مقام فراہم کرے گی جبکہ تحقیق اور ترقی کے نئے سفر کا آغاز بھی ثابت ہوگا۔‘
