کوالالمپور: ملائیشیا میں سفاک شخص نے درندگی کی انتہا کرتے ہوئے زندہ بلیوں کو واشنگ مشین میں ڈال دیا۔
تفصیلات کے مطابق ملائیشیا میں افسوس ناک واقعہ پیش آیا جہاں ایک درندہ صفت شخص کی جانب سے بلیوں کو واشنگ مشین میں ڈالنے کے مناظر کیمرے میں محفوظ ہوگئے۔
دل دہلا دینے والا واقعہ ملائیشیا کے دارالحکومت کوالالمپور میں واقع ایک لانڈری شاپ میں پیش آیا۔پولیس نے بتایا کہ 12 جولائی کو کپڑے ڈالتے ہوئے خاتون واشنگ مشین میں بلیوں کو دیکھ کر سکتے میں آگئی، خاتون نے فوراََ پولیس کو کال کر کے واقعے سے متعلق آگاہ کیا۔
پولیس نے تفتیش کے دوران جب لانڈری شاپ میں لگے سی سی ٹی وی کیمرے کی ریکارڈنگ دیکھی تو دنگ رہ گئی، ریکارڈنگ میں درندہ صفت شخص کو بلیوں کو واشنگ مشین میں ڈالتے ہوئے واضح دیکھا جاسکتا تھا۔
یاد رہے کہ 16 جولائی 2017 کو امریکی ریاست کیلی فورنیا کے شہر سان ہوزے میں عدالت نے ایک شخس کو 18 بلیاں مارنے کے جرم میں 16 سال قید کی سزا سنائی تھی۔
