سی ایس ایس کے تحریری امتحان 2024 کے نتائج کا اعلان کر دیا گیا ہے۔
سی ایس ایس کے تحریری امتحان 2024 میں صرف 395 امیدوار کامیاب ہوئے،امتحان میں 23 ہزار 100 امیدواروں نے اپلائی کیا، 15 ہزار 602 نے امتحان دیا۔
سی ایس ایس امتحان میں15ہزار 602 میں سے 395 امیدوار کامیاب ہوئے،امتحان میں 2 اعشاریہ 53 فیصد امیدواروں نے کامیابی حاصل کی۔
کامیاب 395 امیدواروں میں سے 157 امیدوار خواتین جبکہ 238 مرد ہیں۔
جن امیدواروں نے تحریری امتحان میں کامیابی حاصل کی ہے اب وہ انتخابی عمل کے اگلے مراحل پر جائیں گے جس میں انٹرویو اور طبی امتحان شامل ہیں۔ کامیاب امیدواروں کو حکومت کے اندر مختلف اہم انتظامی عہدوں پر کام کرنے کا موقع ملے گا۔
