سی ٹی ڈی انٹیلیجنس نے بڑی کارروائی کرتے ہوئے افغان ڈکیت گینگ کا سرغنہ نجیب اللّٰہ کو ساتھی صدام سمیت گرفتار کرکے اسلحہ برآمد کرلیا۔
محکمہ انسدادِ دہشت گردی (سی ٹی ڈی) کے مطابق ملزمان کراچی شہر میں اسٹریٹ کرائم کے حوالے سے خوف کی علامت سمجھے جاتے تھے ملزمان کا گروپ 10 افغانی لڑکوں پر مشتمل ہے۔
ترجمان نے بتایا کہ ملزمان کا گروہ دوران ڈکیتی قتل اور اقدام قتل کی کئی وارداتوں میں پولیس کو مطلوب تھا ملزمان کے گروپ کے دو افغانی ڈکیت لڑکوں نے 13 فروری کو دوران ڈکیتی کانسٹیبل واحد کو نارتھ کراچی میں شہید کیا تھا۔
سی ٹی ڈی حکام کا کہناہے کہ ملزمان نے واحد کو شہید کرنے والے اپنے دونوں ساتھیوں کو سی سی ٹی وی فوٹیج میں شناخت کرلیا ہے ملزمان اس سے پہلے سہراب گوٹھ، گلشن اقبال، گلبرک، الفلاح، سچل، بہادرآباد کے علاقوں میں گرفتار ہو کر جیل کاٹ چکے ہیں۔
سی ٹی ڈی نے کہا کہ ملزم نجیب اللّٰہ افغانی سچل پولیس کو ابھی بھی کئی کیسوں میں مطلوب ہے ملزم نجیب اللّٰہ تھانہ سچل کے علاقے سے ڈکیتی کے کیسں میں مفرور بھی ہے ملزمان واردات کے بعد افغانستان فرار ہو جاتے ہیں ملزمان سے مزید تفتیش جاری ہے۔
