لاہور: محکمہ انسداد دہشت گردی (سی ٹی ڈی) پنجاب نے انٹیلی جنس بیسڈ آپریشن کرکے کالعدم تنظیم کے 7 دہشت گرد گرفتار کرلئے۔
ترجمان سی ٹی ڈی کے مطابق دہشتگردوں کو ڈی جی خان، راولپنڈی، گوجرانوالہ، ساہیوال سے گرفتار کیاگیا، گرفتار دہشت گردوں کی شناخت شیرمحمد، عبدالخالق، اکرام اللہ، نجیب اللہ کے نام سے ہوئی ہے۔
حکام نے بتایا کہ دہشت گرد حساس تنصیبات اور اہم شخصیات کو نشانہ بنانا چاہتے تھے، کارروائی کے دوران بارودی مواد، اسلحہ، خودکش جیکٹ بنانے کا سامان بھی برآمد ہوا۔
- Advertisement -
سی ٹی ڈی حکام نے بتایا کہ رواں ہفتے 472 کومبنگ و سرچ آپریشن کیے گئے اس دوران 8 ہزار سے زائد افراد کی چیکنگ کی گئی اور 75 مشتبہ افرادگرفتار کیے۔
