کراچی: سولجر بازار میں سی ٹی ڈی اور حساس اداروں نے کارروائی کرتے ہوئے پڑوسی ملک کیلئے کام کرنے والے انتہائی مطلوب دہشت گرد سید مہدی کو گرفتار کرلیا۔
تفصیلات کے مطابق سی ٹی ڈی انویسٹی گیشن کی حساس اداروں کے ہمراہ سولجر بازار میں کارروائی کرتے ہوئے پڑوسی ملک کیلئے کام کرنے والا انتہائی مطلوب دہشت گرد کو گرفتار کرلیا گیا۔
سی ٹی ڈی ترجمان کا کہنا ہے کہ ملز م نے دوران تفتیش اہم انکشاف کیا کہا کہ دہشت گرد سید مہدی ہوسٹائل انٹیلی جنس ایجنسیز کیلئےکام کرتا ہے، سید مہدی کا تعلق زینبیہ بریگیڈ سے ہے، گرفتار ملزم ہائی ویلیو ٹارگٹ کی ریکی کرتا تھا۔
ترجمان سی ٹی ڈی کے مطابق ریکی کی اطلاع اپنے ساتھی رضا جعفری اور عابد رضا کو دیتا تھا، دونوں ساتھی ٹارگٹ اور فائرنگ کر کے قتل کر دیتے تھے، ملزم ہوسٹائل ایجنسیز کی طرف سے ملنے والا اسلحہ اور گولہ بارود گھر میں رکھتا تھا۔
ترجمان نے مزید بتایا کہ ملزم ٹارگٹ کو نشانہ بنانے کیلئے ہینڈ گرنیڈ اور اسلحے کا استعمال کرتا تھا، گرفتار ملزم اسلحے کی فروخت کا بھی کام کرتا ہے، ملزم کا ساتھی رضا جعفری اور عابد رضا مفتی تقی عثمانی پر حملے میں ملوث تھے، ملزمان نے مخالف فرقے سے تعلق رکھنے والی کئی اہم شخصیت کو بھی نشانہ بنایا۔
