لاہور : محکمہ انسداد دہشت گردی ( سی ٹی ڈی ) نے پنجاب کے مختلف شہروں میں انٹیلی جنس بیسڈ آپریشنز کرتے ہوئے 18 دہشت گرد گرفتار کرلیے۔
تفصیلات کے مطابق محکمہ انسداد دہشت گردی ( سی ٹی ڈی) نے پنجاب کے مختلف شہروں میں 134 انٹیلی جنس بیسڈ آپریشنز کئے ، آپریشن کے دوران 18 دہشت گردوں کو گرفتار کرلیا۔
ترجمان نے بتایا کہ راولپنڈی ، لاہور، فیصل آباد، گوجرانوالہ ودیگرشہروں میں کارروائیاں کی گئیں، لاہور، فیصل آباد، راولپنڈی سے فتنہ الخوارج کے 3 انتہائی خطرناک دہشت گرد گرفتار کرکے اسلحہ اور بارودی مواد برآمد کرلیا۔
حکام کا کہنا تھا کہ آپریشن کے دوران دھماکا خیزمواد، 18 ڈیٹونیٹر، ایک آئی ای ڈی بم، گولیاں ، نقشے و دیگرسامان برآمد ہوا، دہشت گرد مختلف مقامات پر کارروائی کرکے خوف پھیلانا چاہتے تھے۔
