The news is by your side.

Advertisement

سی ٹی ڈی آپریشن ٹو کی کارروائی ، ایم کیو ایم لندن کا ٹارگٹ کلر گرفتار

کراچی : کاؤنٹر ٹیررزم ڈیپارٹمنٹ (سی ٹی ڈی) آپریشن ٹو نے کارروائی کرتے ہوئے ایم کیو ایم لندن کے ٹارگٹ کلر فہیم جاویدعرف انقلابی کو گرفتار کرلیا۔

تفصیلات کے مطابق کاؤنٹر ٹیررزم ڈیپارٹمنٹ (سی ٹی ڈی) آپریشن ٹوکی خفیہ اطلاع پر کارروائی کی گئی ، کارروائی کے دوران ایم کیوایم لندن کا ٹارگٹ کلر فہیم جاویدعرف انقلابی کو گرفتار کرلیا۔

ایس ایس پی آپریشن سی ٹی ڈی ٹو نے بتایا کہ ٹارگٹ کلر7افرادکےقتل میں روپوش تھا، ملزم نےساتھیوں ظفراورارشدکے ساتھ کارروائیاں کی جبکہ مختلف تھانوں سےقتل اقدام قتل میں اشتہاری ملزم ہے۔

سی ٹی ڈی کے مطابق ملزم نےمحبت خان اورسمیع اللہ نامی شہریوں کواغواکیا اور ایم کیوایم ممبرسندھ اسمبلی کےپلاٹ پردونوں کوقتل کرکے پھینک دیا۔

ایس ایس پی آپریشن سی ٹی ڈی ٹوعارف عزیز نے کہا کہ ملزم سے مزید انکشافات متوقع ہے۔

گذشتہ ماہ انسداد دہشت گردی فورس(سی ٹی ڈی) نے شہرقائد میں بڑی کارروائی کرتے ہوئے کورنگی سے ایم کیوایم لندن کا ٹارگٹ کلر لال بادشاہ گرفتار کرلیا تھا، ٹارگٹ کلر لال بادشاہ، رئیس ماما کا قریبی ساتھی ہے، ملزم نےجنوری2010مہران ٹاؤن میں سیاسی کارکنان پرفائرنگ کی۔

سی ٹی ڈی کے مطابق ملزم کی فائرنگ سے ایک کارکن ہلاک اور 2زخمی ہوئے تھے، ملزم نے رئیس مامااور دیگر کے ساتھ مل کر ایک کارکن کو بھی ہلاک کیا، ملزمان کے خلاف سی ٹی ڈی میں مقدمات درج ہیں، مزید انکشافات متوقع ہیں۔

Comments

یہ بھی پڑھیں