خانیوال: انسداد دہشت گردی فورس نےخانیوال میں کارروائی کرتے ہوئے کالعدم تنظیم داعش کے دو دہشت گرد گرفتار کرلیے، دہشت گردوں کا ہدف اہم تنصیبات اورعبادت گاہیں تھیں۔
تفصیلات کے مطابق سی ٹی ڈی نے خانیوال میں کارروائی کرتے ہوئے دو دہشت گردوں کو گرفتار کرلیا ہے ، گرفتار دہشت گردوں کا تعلق کالعدم تنظیم داعش سے ہے۔
ترجمان نے بتایا گرفتار دہشت گردوں میں عمران حیدر اور ریاض احمد شامل ہیں ، ان کے قبضے سے ستی بم، اسلحہ اور ممنوعہ لٹریچر برآمد ہوا ہے ، جس کے مطابق دہشت گردوں کا ہدف اہم تنصیبات اور عبادت گاہیں تھیں۔
سی ٹی ڈی حکام کا کہنا تھا کہ دہشت گردوں کو تفتیش کے لیے نامعلوم مقام پر منتقل کردیا گیا ہے۔
خیال رہے پنجاب کے مختلف اضلاع میں سی ٹی ڈی کی تابڑ توڑ کارروائیاں جاری ہے، اس سے قبل آپریشن کے دوران 9 دہشت گردوں کو گرفتار کیا گیا تھا۔
سی ٹی ڈی حکام گرفتار دہشت گردوں سے مختلف زاویوں سے تفتیش کی جارہی ہے ، توقع ہے کہ دہشت گردوں سے مزید معلومات حاصل ہونگی جس کی مدد سے مزید آپریشن کئے جانے کا امکان ہے۔
