The news is by your side.

Advertisement

گوجرانوالہ میں سی ٹی ڈی کی کارروائی،5دہشتگردہلاک

گوجرانوالہ : صوبہ پنجاب کے شہر گوجرانوالہ میں سی ٹی ڈی نے کارروائی کے دوران کالعدم تنظیم کے 5 مبینہ دہشت گرد مارے گئے۔

تفصیلات کےمطابق صوبہ پنجاب کے شہر گوجرانوالہ میں پنجاب پولیس کے انسداد دہشت گردی ڈپارٹمنٹ نے گوجرانوالہ میں کارروائی کرتے ہوئے 5 مبینہ دہشت گردوں کو ہلاک کردیا جبکہ ان کے 3 ساتھی اندھیرے کا فائدہ اٹھاتے ہوئے فرار ہونے میں کامیاب ہوگئے۔

سی ٹی ڈی حکام کا کہناہےکہ کارروائی کے دوران ہلاک ہونے والے پانچوں دہشت گردوں کا تعلق کالعدم تنظیم سے ہے،دہشت گردوں کے قبضے سے2کلاشنکوف،دستی بم اور بارودی مواد برآمد ہواہے۔

سی ٹی ڈی حکام کا کہنا ہے کہ فرار ہونے والے تینوں دہشت گردوں کی گرفتاری کے لیے علاقے کی ناکہ بندی کر دی گئی ہے اور جلد ہی انہیں گرفتار کر لیا جائے گا۔

مزید پڑھیں:گوجرانوالہ میں سی ٹی ڈی کی کارروائی،3دہشتگردہلاک

واضح رہے کہ گزشتہ ہفتےگوجرانولہ میں سی ٹی ڈی کی کارروائی میں تین دہشت گرد ہلاک کیے تھے۔دہشت گردوں کے قبضے سے ایک کلاشنکوف رائفل اور 2 پستول بھی برآمد ہوئی تھیں۔

Comments

comments

یہ بھی پڑھیں