The news is by your side.

Advertisement

سی ٹی ڈی کی کارروائی ، کالعدم ٹی ٹی پی کے 4 دہشت گرد ہلاک

پشاور : کاؤنٹر ٹیررازم ڈیپارٹمنٹ کوہاٹ ریجن نے کارروائی میں کرتے ہوئے 4 دہشت گرد ہلاک کردیے، ہلاک دہشت گردوں کا تعلق کالعدم ٹی ٹی پی کے امیرحاتم گروپ سے تھا۔

تفصیلات کے مطابق کاؤنٹر ٹیررازم ڈیپارٹمنٹ کوہاٹ ریجن نے رات گئے ہنگو اور اسپین وام میں کارروائی کی ، سرچ آپریشن سے واپسی پر بانڈہ نفری پردہشتگردوں نےفائرنگ کی۔

سی ٹی ڈی کا کہنا تھا کہ جوابی فائرنگ میں 4 دہشت گرد ہلاک اور 3 سے 4 اندھیرے کا فائدہ اٹھا کر فرار ہوگئے۔

حکام کے مطابق ہلاک ہونیوالوں میں صادق اللہ عرف القاعدہ، احمد رحیم عرف سعود ، صمیم سعیدعرف استاد ،مصطفی عرف ملا شامل ہیں۔

سی ٹی ڈی نے کہا کہ ہلاک دہشت گردوں کا تعلق کالعدم ٹی ٹی پی کے امیرحاتم گروپ سے تھا، ملزمان دہشت گردی،بھتہ خوری،ٹارگٹ کلنگ کے متعددکیسزمیں مطلوب تھے۔

حکام کے مطابق کارروائی میں دہشت گردوں سے 4ایس ایم جی، 16 چارجر،سیکڑوں کارتوس برآمد کرلی گئیں ، دہشت گرد انسداد پولیو ٹیم کی سیکیورٹی پر ماموراہلکاروں کی ٹارگٹ کلنگ میں ملوث تھے۔

Comments

یہ بھی پڑھیں