The news is by your side.

Advertisement

پشاور: سی ٹی ڈی کی کارروائی ، کالعدم ٹی ٹی پی کا اہم دہشت گرد مارا گیا

پشاور : سی ٹی ڈی کی دیر بالا میں کارروائی کے دوران کالعدم ٹی ٹی پی کا اہم دہشت گرد مارا گیا ، ہلاک دہشت گرد پولیس اورفورسز پرحملوں میں ملوث تھا۔

تفصیلات کے مطابق کاؤنٹر ٹیررازم ڈیپارٹمنٹ نے خیبرپختونخوا کے ضلع دیر بالا میں کارروائی کی، جس میں کالعدم ٹی ٹی پی کا اہم دہشت گرد ہلاک ہوگیا ، ہلاک دہشت گرد سے اسلحہ اور دستی بم برآمد ہوا۔

ترجمان سی ٹی ڈی کا کہنا ہے کہ ہلاک دہشت گرد پولیس اورفورسزپرحملوں میں ملوث تھا، ہلاک دہشت گرد کی گرفتاری پر حکومت نے 5لاکھ روپے انعام مقرر کی تھی۔

یاد رہے 27 ستمبر کو کاؤنٹر ٹیررازم ڈیپارٹمنٹ (سی ٹی ڈی) مالاکنڈ ڈویژن نے تحریک طالبان پاکستان (ٹی ٹی پی) سے وابستہ ایک دہشت گرد کو گرفتار کرنے کا دعویٰ کیا تھا۔

دہشت گرد احسن اللہ عرف طلحہ کو خیبر پختونخوا کے بونیر سے گرفتار کرکے اسلحہ اور گولہ بارود برآمد کرلیا تھا، دہشت گرد پولیس کو کئی مجرمانہ سرگرمیوں میں مطلوب تھا، اس نے 2009 میں بونیر اور خیبر پختونخوا کے دیگر علاقوں میں بم نصب کیے تھے۔

Comments

یہ بھی پڑھیں