کراچی میں مسلح افراد نے کاؤنٹر ٹیررازم ڈپارٹمنٹ (سی ٹی ڈی) کے افسر علی رضا کو گولیاں مار کر شہید کر دیا۔
پولیس کے مطابق فائرنگ کا واقعہ کریم آباد کے علاقے میں پیش آیا جہاں نامعلوم افراد نے افسر علی رضا کو ٹارگٹ کلنگ کا نشانہ بنایا۔
علی رضا ڈی ایس پی سی ٹی ڈی انویسٹی گیشن تعینات تھے اور کراچی آپریشن کے اہم افسر تھے۔ وہ شہید پولیس افسر چوہدری اسلم کے قریبی ساتھی بھی تھے۔
پولیس کا کہنا ہے کہ شہید علی رضا پر نامعلوم مسلح ملزمان نے فائرنگ کی اور فرار ہو گئے۔
وزیر داخلہ سندھ نے ڈی آئی جی سی ٹی ڈی اور ایس ایس پی سینٹر سے رپورٹ طلب کرتے ہوئے ہدایت کی ہے کہ حملے میں ملوث عناصر کی گرفتاری کےلیے فوری اقدامات کیےجائیں۔
ڈی ایس پی سی ٹی ڈی علی رضا پر فائرنگ کازخمی گارڈبھی دم توڑ گیا۔ پولیس کا کہنا ہے کہ علی رضا پر فائرنگ کے وقت بلڈنگ کا گارڈ وقار بھی زخمی ہوا تھا اس وقت سیکیورٹی گارڈ کے پاس اسلحہ موجود نہیں تھا۔
