The news is by your side.

Advertisement

نارووال میں سی ٹی ڈی کی کارروائی، دہشت گرد گرفتار

لاہور: کاؤنٹرٹیررازم ڈیپارٹمنٹ (سی ٹی ڈی) نے نارووال میں کارروائی کرتے ہوئے کالعدم تنظیم کا دہشت گردگرفتار کرلیا۔

تفصیلات کے مطابق صوبہ پنجاب کے شہر نارووال میں سی ٹی ڈی نے بڑی کارروائی کرتے ہوئے کالعدم تنظیم کے دہشت گرد کو گرفتار کر کے بارودی مواد، اسلحہ اور دیگر سامان برآمد کرلیا۔

ترجمان سی ٹی ڈی کا کہنا تھا کہ دہشت گرد بابر ملہی حساس تنصیبات کو نشانہ بنانا چاہتا تھا۔دہشت گرد کےخلاف تھانہ سی ٹی ڈی گوجرانوالہ میں مقدمہ درج کر لیا گیا۔

سی ٹی ڈی کی ڈیرہ غازی خان میں کارروائی،2 دہشت گردگرفتار

اس سے قبل رواں سال 27 اپریل کو کاؤنٹرٹیررازم ڈیپارٹمنٹ (سی ٹی ڈی) نے ڈی جی خان میں کارروائی کرتے ہوئے کالعدم تنظیم کے 2 دہشت گردوں کو گرفتار کیا تھا۔

ترجمان سی ٹی ڈی کا کہنا تھا کہ دہشت گردوں کا تعلق کالعدم تنظیم داعش سے تھا، دہشت گردوں کا ہدف ڈی جی خان میں قانون نافذ کرنے والے ادارے تھے۔

Comments

یہ بھی پڑھیں