پنجاب بھر میں بڑے پیمانے پر کومبنگ آپریشنز

لاہور: انسپکٹر جنرل (آئی جی) پنجاب کی ہدایات پر صوبے کے مختلف اضلاع میں 70 کومبنگ آپریشنز کیے گئے، اس دوران سینکڑوں مشتبہ افراد سے پوچھ گچھ کی گئی۔

تفصیلات کے مطابق انسپکٹر جنرل (آئی جی) پنجاب کی ہدایات پر محکمہ انسداد دہشت گردی (سی ٹی ڈی) نے صوبے کے مختلف اضلاع میں 70 کومبنگ آپریشنز کیے۔

سی ٹی ڈی حکام کا کہنا ہے کہ آپریشنز کے دوران 14 مشتبہ افراد کو گرفتار کرلیا، آپریشنز کے دوران 12 سو 90 افراد کی بائیو میٹرک تصدیق کی گئی جبکہ 3 ہزار 432 مشتبہ افراد سے پوچھ گچھ کی گئی۔

حکام کے مطابق گرفتار افراد میں سے 9 کے خلاف مقدمات درج کر کے تفتیش شروع کردی گئی ہے، ملزمان سے اسلحہ، گولیاں اور لاؤڈ اسپیکر برآمد کیے گئے۔

Comments