لاہور: سی ٹی ڈی نے پنجاب کے مختلف شہروں میں انٹیلی جنس بیسڈ آپریشنز کے دوران 12 دہشت گرد کو گرفتار کرلیا۔
تفصیلات کے مطابق پنجاب کے مختلف شہروں میں کاؤنٹر ٹیررازم ڈپارٹمنٹ نے چھاپہ مار کارروائی کی اس دوران 12 دہشت گردوں کو گرفتار کرلیا گیا۔
ترجمان سی ٹی ڈی کا کہنا ہے کارروائیاں سرگودھا، بھکر، رحیم یارخان اور فیصل آباد میں کی گئیں، گرفتار دہشت گردوں سے اسلحہ اور بارودی مواد برآمد کیا گیا۔
ترجمان سی ٹی ڈی کا بتانا ہے کہ دہشت گردوں کی شناخت ندیم مرتضی، محمد جابر، آصف افتخار، شمس الدین، اعجاز حسین، حسن خان، شاہد سعید، فاروق احمد کے نام سے ہوئی۔ ترجمان کے مطابق دہشت گرد مختلف مقامات پر کارروائی کر کے عوام میں خوف و ہراس پھیلانا چاہتے تھے۔
