The news is by your side.

Advertisement

پشاور دھماکے کی تحقیقات جاری ، 2مشبہ افراد گرفتار

پشاور : سی ٹی ڈی اسپیشل انوسٹی گیشن ٹیم نے پشاور دھماکا کیس میں 2مشبہ افراد کو گرفتار کرلیا جبکہ خودکش حملہ آور اور 2سہولت کاروں کے اسکیچز بھی مکمل کرلئے ہیں۔

تفصیلات کے مطابق پشاور دھماکے سے متعلق تحقیقات جاری ہے ، سی ٹی ڈی اسپیشل انوسٹی گیشن ٹیم نے 2مشبہ افراد کو حراست میں لے لیا۔

ذرائع کا کہنا ہے کہ حملہ آور نے پہلے پولیس اہلکار پر فائرنگ کی، حملہ آور نے 9ایم ایم پستول استعمال کیا ، جائے وقوع سے انوسٹی گیشن ٹیم کو 7خول ملے ہیں۔

پولیس ،سی ٹی ڈی کی جوائنٹ انوسٹی گیشن ٹیم نے زخمیوں کے بیانات قلم بند کیے، پولیس کا کہنا ہے کہ مختلف علاقوں میں لگے سی سی ٹی وی کیمروں کو چیک کیا گیا ہے۔

انوسٹی گیشن پولیس نے بتایا کہ رکشے میں آنے والے خودکش حملہ آور اور 2سہولت کاروں کے اسکیچز مکمل ہیں ، حملہ آور کی خودکش جیکٹ میں بال بیرنگ کا استعمال کیا گیا۔

پولیس کا مزید کہنا ہے کہ جائے وقوع سے ملے اعضا کا بلڈ ٹیسٹ کیا جائے گا۔

Comments

یہ بھی پڑھیں