فیصل آباد : سینٹرل جیل میں قتل کے دومجرموں کو تختہ دار پرلٹکادیا گیا.
جیل ذرائع کے مطابق فیصل آباد کی سینٹرل جیل میں سزائے موت کے دو قیدیوں کو پھانسی دیدی گئی، پھانسی پانے والے مجرموں میں اخلاق اور شوکت شامل ہیں، مجرم اخلاق اور شوکت نے دو ہزار ایک میں دو افراد کو قتل کیا تھا۔
مجرمان نے سیشن کورٹ میں تاریخ پیشی پر آئے دو کزن طارق جاوید اور ظفر اقبال کو فائرنگ کر کے قتل کر دیا.
اس سے قبل دونوں مجرمان کو 11 ستمبر کو پھانسی دی جانی تھی لیکن لاہور ہائیکورٹ میں لواحقین کی جانب سے دائر کردہ درخواست پر سزا پر عملدرآمد روک دیا گیا تھا۔ تاہم آج صبح دونوں مجرموں کو پھانسی دیدی گئی.
