سیالکوٹ: خواجہ سرا پر بھتے کے لیے بہیمانہ تشدد کرنے والے پانچ مبینہ ملزمان کو پولیس نے حراست میں لے لیا ہے۔
گزشتہ دنوں سوشل میڈیا پر ایک ویڈیو کلپ وائرل ہواجس میں ایک شخص مبینہ طور پر بھتے کے لیے خواجہ سرا پر بہیمانہ تشدد کررہا تھا، کلپ کے وائرل ہونے پر پولیس حرکت میں آئی اور ویڈیو میں موجود شخص کو ساتھیوں سمیت گرفتار کرلیا۔
اس بھتہ خور گروہ کے ظلم کا شکار ہونے والے لاچار اور بیکس خواجہ سراؤں نے پولیس کی موجودگی میں انہیں تھپڑ مارے اور بددعائیں دیں۔
بھتہ خور گینگ کے گرفتار افراد میں اعجاز اور ججی بٹ شامل ہیں۔
متاثرین نے حکام سے مطالبہ کیا ہے کہ بھتہ خوری کے اس گھناؤنے کاروبار اور خواجہ سراؤں پر تشدد کرنے کے معاملے میں ملوث افراد کو قرار واقعی سزادی جائے۔
