The news is by your side.

Advertisement

کرونا وائرس : اردن حکومت نے ملک میں کرفیو نافذ کردیا

عمان : کورونا وائرس کے پھیلاؤ کو روکنے کیلئے اردن حکومت نے پورے ملک میں کرفیو لگا دیا، حکام کا کہنا ہے کہ کرفیو کا مقصد جان لیوا وائرس پر قابو پانا ہے، خلاف ورزی کرنے والوں کو قانونی کارروائی کا سامنا کرنا پڑے گا۔

کورونا وائرس کے پھیلاؤ کے خدشے کے پیش نظر مشرقی وسطیٰ کے اہم ملک اردن میں غیر معینہ مدت کے لیے کرفیو نافذ کردیا گیا ہے۔ اس حوالے سے اردنی حکام کا کہنا ہے کہ کرفیو کا مقصد موذی کورونا وائرس کے پھیلاوَ کو روکنا ہے اور اس پر قابو پانا ہے۔

غیر ملکی ذرائع ابلاغ کے مطابق اردنی وزیر اطلاعات امجد العضایلہ نے کہا ہے کہ جو بھی کرفیو کی خلاف ورزی کرے گا اسے ایک برس تک قید کی سزا دی جائے گی۔

انہوں نے کہا کہ وہی ممالک اپنے عوام کو نئے کورونا وائرس سے بچانے میں کامیاب رہے ہیں جہاں عوام گھروں میں رہے اور سڑکوں پر نہیں نکلے۔

اردنی وزیر اطلاعات کا کہنا تھا کہ کل بروز منگل اعلان کرکے بتایا جائے گا کہ عوام کب اور کتنی دیر کے لیے ضروری اشیا خریدنے کے لیے گھروں سے نکل سکتے ہیں۔ اس کے علاوہ کرفیو سے ایسے افراد مستثنیٰ ہوں گے جنہیں حکومت نے ان کے کام کی نوعیت کے باعث اجازت دے رکھی ہے۔

اس سے قبل اردن نے تمام تعلیمی ادارے اور اسکولز تین ہفتے کے لیے بند کردیے تھے، اردن کے کورونا وائرس کے خدشے کے پیش نظر جیل میں قیدیوں سے ملاقاتوں پر دو ہفتے کے لیے پابندی لگادی تھی۔

fb-share-icon0
Tweet 20

Comments

comments

یہ بھی پڑھیں