نئی دہلی: بھارت کی نارکوٹکس فورس نے مونگ پھلی کے ذریعے غیر ملکی کرنسی اسمگل کرنے کی کوشش ناکام بنا دیا۔
بھارتی میڈیا رپورٹ کے مطابق نئی دہلی ایئرپورٹ پر ایک مسافر کے قبضے سے 45 لاکھ روپے کی رقم برآمد ہوئی جو اُس نے مونگ پھلی، بسکٹ کے ڈبے اور گوشت میں چھپا کر رکھی ہوئی تھی۔
ائیرپورٹ پر تعینات سیکیورٹی فورس کے اہلکار نے مشکوک حرکتیں کرنے والے 25 سالہ مسافر کی تلاشی لی تو بظاہر کوئی چیز نظر نہیں آئی، البتہ جب کھانے کے سامان کی جانچ پڑتال شروع کی تو معمہ سمجھ آیا۔
سی آئی ایس ایف کے ترجمان کے مطابق ’مسافر کے پاس بڑی تعداد میں مونگ پھلیاں، بسکٹ کے ڈبے، پکا ہوا گوشت اور دیگر کھانے کی چیزیں موجود تھیں، جنہیں کھول کر دیکھا گیا تو اُن میں سے غیر ملکی کرنسی برآمد ہوئی‘۔
سیکیورٹی فورس نے مسافر کے سامان کی تلاشی لینے سے قبل اس کی ویڈیو بنائی اور پھر اسے سوشل میڈیا پر شیئر کیا۔
ویڈیو میں دیکھا جاسکتا ہے کہ مونگ پھلی اور گوشت میں سعودی عرب، قطر اور عمان کی کرنسی (ریال) موجود تھے جبکہ دیگر اشیاء میں یورو اور کویتی دینار بھی موجود تھے۔
Vigilant #CISF personnel apprehended a passenger namely Mr Murad Alam carrying high volume of foreign currency worth approx. INR 45 lakh concealed in peanuts, biscuit packets & other eatable items kept inside his baggage @ IGI Airport, Delhi. Passenger was handed over to customs. pic.twitter.com/AJgO6x4WjN
— CISF (@CISFHQrs) February 12, 2020
پولیس کے مطابق مسافر کے قبضے سے برآمد ہونے والی کرنسی کی مالیت 45 لاکھ روپے کے قریب ہے، مسافر اور برآمد شدہ رقم کو کسٹم حکام کے حوالے کردیا۔
