عید الفطر کی آمد آمد ہے اور شاید ہی کوئی خاتون خانہ ایسی ہوں جو اس پر مسرت موقع پر اپنے اہل خانہ کیلئے کوئی میٹھی ڈش نہ بنائے،۔
اسی حوالے سے ہم آپ کیلئے لائے ہیں کسٹرڈ سویا ں بنانے کی ترکیب، یعنی ایک ٹکٹ میں دو مزے جس نے سویاں کھانی ہوں وہ سویاں کھائے اور جس کو کسٹرڈ پسند ہے وہ بھی اپنا شوق پورا کرے۔
اجزاء:
دودھ ایک کلو
کلر سویاں ایک کپ
چینی آٹھ کھانے کے چمچ
اسٹرابری کسٹرڈ پاؤڈر دو کھانے کے چمچ
اسٹرابری ایسنس ایک چوتھائی چائے کا چمچ
اسٹرابری آدھا کپ
ترکیب:
ایک پین میں دودھ ڈال کر دس منٹ پکائیں۔
جب وہ اُبلنے لگے تو اس میں سویاں شامل کردیں۔
اس کے بعد دودھ میں چینی ڈال دیں۔
پھر اسٹرابری کسٹرڈ پاؤڈر تھوڑے سے ٹھنڈے دودھ میں مکس کرکے شامل کر دیں۔
اب اسے گاڑھا ہونے تک پکائیں اور مسلسل چمچہ چلاتے رہیں۔
پھر چولہے سے ہٹاکر ٹھنڈا کریں۔
اسٹرابری ایسنس اور اسٹرابریز ڈال کر اچھی طرح مکس کرلیں۔
آخر میں اسے ٹھنڈا کرکے مہمانوں کو پیش کریں۔
