راولپنڈی: کرنسی سمگلنگ کیس میں ماڈل ایان علی کے خلاف راولپنڈی کسٹم کی خصوصی عدالت کے جج رانا آفتاب احمد خان نے مقدمے کی سماعت 6 جنوری تک ملتوی کردی۔
راولپنڈی کسٹم کی عدالت کے جج رانا آفتاب احمد خان نے ما ڈل ایان علی کوآئندہ سماعت پرپیش ہونے کا حکم دیتے ہوئے کہا ہے کہ اگرماڈل ایان علی عدالت میں پیش نہیں ہوئی تو ان کی ضمانت منسوخ بھی کی جا سکتی ہے۔
کسٹم عدالت کے جج رانا آفتاب احمد خاں نے اپنے ریمارکس میں کہا کہ منی لانڈرنگ کیس کی درخواست پر یکطرفہ کاروائی عمل میں لائی جا سکتی ہے۔
ماڈل ایان علی کی جا نب سے ایک دن کی غیرحاضری سے استثنیٰ کی درخواست دی گئی جس پروہ عدالت میں پیش نہیں ہوئی ان کی عدم حا ضری پرعدالت نے سخت برہمی کا اظہارکیا گیاہے اورکہا کہ ایان علی آئندہ سماعت پرعدالت میں پیش ہوں۔
راولپنڈی کسٹم کی خصوصی عدالت کے جج رانا آفتاب احمد خان نے مقدمے کی سماعت 6 جنوری تک ملتوی کردی۔
