The news is by your side.

Advertisement

کسٹم نے سونے کے نادر زیورات کی اسمگلنگ ناکام بنادی

کراچی: کسٹم حکام نے جناح ایئر پورٹ پر کارروائی کرتے ہوئے سونے کے نادر زیورات اسمگل کرنے کی کوشش ناکام بنا دی۔

تفصیلات کے مطابق نادر زیورات کراچی سے اسمگل کرکے تھائی لینڈ لے جانے کی کوشش کی جارہی تھی، مسافر کے قبضے قیمتی سونے کی نوادرات بر آمدکر لیے گئے۔

ڈپٹی کلکٹر کسٹم محمد فیصل کا کہنا ہے کہ مسافر سے ایک سو پندرہ تولے قدیم سونا اور بیس تولے چاندی کے زیورات بر آمد کر لیے گے۔

اانہوں نے کہا کہ اسرار محمد نامی مسافر سے گیارہ ہزار دو سو پچاس ڈالر بھی ملے ہیں، مسافر قیمتی سونے اور چاندی نادر زیورات بیرون ملک اسمگل کرنے کی کوشیش کر رہا تھا۔

کسٹم حکام کا کہنا ہے کہ مسافر کو گرفتار کر کے ایف آئی آر درج کر لی گئی ہے، مزید تحقیقات کررہے ہیں جلد مزید حقائق منظر عام پر آئیں گے۔

خیال رہے کہ گذشتہ ماہ کسٹم کے عملے نے چھاپہ مار کر لاکھوں روپے مالیت کا اسمگل شدہ ممنوعہ چائنیز سالٹ برآمد کرکے تین ملزمان کو گرفتار کیا تھا۔

کسٹم کی کارروائی : لاکھوں روپے مالیت کا اسمگل شدہ ممنوعہ چائنیز سالٹ برآمد

واضح رہے کہ 31 جنوری کو اسلام آباد ایئرپورٹ پر اے این ایف نے کارروائی کرتے ہوئے بیرون ملک منشیات سپلائی کرنے والے نیٹ ورک کے 2 افراد گرفتارکیے تھے۔

Comments

comments

یہ بھی پڑھیں