The news is by your side.

پی آئی اے کی جانب سے ’کسٹمر کئیر ویک‘ کا آغاز

کراچی : قومی ایئر لائن پی آئی اے نے اپنے کاروبار کے فروغ اور مسافروں کو راغب کرنے کے لیے کسٹمر کئیر ویک کا آغاز کردیا۔

اس حوالے سے ذرائع کا کہنا ہے کہ ادارے نے یہ اقدام کسٹمر کیئر سروس پر توجہ مرکوز کرنے کی حکمت عملی کے تحت اٹھایا ہے۔

جس کے پہلے مرحلے میں انتظامیہ کی جانب سے اپنے مسافروں کی دلجوئی اور ان کی مہمان نوازی کیلئے آج سے کسٹمر کیئر ویک منانے کا فیصلہ کیاگیا۔

کسٹمر کیئر ویک 29 نومبر سے 4 دسمبر تک پوری دنیا میں موجود پی آئی اے نیٹ ورک اور اس کی تمام پروازوں پر منایا جارہا ہے۔ کسٹمر کیئر ویک کا انعقاد پی آئی اے کے شعبہ ایچ آر کی سربراہی میں کیا جارہا ہے جس کا موٹو سروس ود اے اسمائل ہے۔

کسٹمر کیئر ویک کے دوران پی آئی اے ملازمین کی جانب سے مسافروں کی مہمان نوازی اور دیکھ بھال میں سبقت لے جانے پر ان کو انعامات بھی دیے جائیں گے۔ کسٹمر کیئر ویک کے دوران مسافروں کیلئے بھی کثیر تعداد میں تحائف اور انعامات مختص کیے گئے ہیں۔

اس حوالے سے ترجمان پی آئی اے کا کہنا ہے کہ کسٹمر کیئر ویک میں ملازمین کو حاصل کردہ تربیت ادارے کی خدمات کے معیار میں خاطر خواہ اضافہ کرے گی۔

اس سلسلے میں ملک بھر کے ایئر پورٹس پر تعینات پی آئی اے عملے کو ہدایات جاری کر دی گئی ہیں۔ پی آئی اے کسٹمر کیئر ویک ’مسکراہٹ کے ساتھ خدمت‘ کے نام سے منائیا جارہا ہے، اعلیٰ کارکردگی والے پی آئی اے اسٹاف کو سرٹیفکیٹ اور کیش ایوارڈ دیا جائے گا۔

واضح رہے کہ پی آئی اے کے چیف ایچ آر افسر ایئر کموڈور عامر الطاف نے گزشتہ روز کسٹمر کیئر ویک منانے سے متعلق سرکلر بھی جاری کر دیا تھا۔

Comments

یہ بھی پڑھیں