کراچی:کسٹم انٹیلی جنس نے 27 کروڑ 50 لاکھ روپے کی ٹیکس چوری پکڑلی، انڈر انوائسنگ کے ذریعے خوردنی تیل کی امپورٹ میں ٹیکس بچایا گیا۔
تفصیلات کے مطابق پاکستان کسٹمز نے کراچی میں بڑی کارروائی کرتے ہوئے انڈر انوائسنگ کے ذریعے 27 کروڑ 50 لاکھ کی ٹیکس چوری پکڑلی۔
دستاویز میں بتایا گیا کہ انڈونیشیا سے خوردنی تیل کی درآمد میں انڈر انوائسنگ کی گئی، انڈر انوائسنگ کے ذریعے خوردنی تیل کی امپورٹ میں ٹیکس بچایا گیا۔
دستاویز میں کہنا تھا کہ فوڈ لنکس انٹرنیشنل کراچی کے خلاف پاکستان کسٹمز نے خفیہ اطلاع پر کارروائی کی۔
کسٹم حکام نے بتایا کہ نجی کمپنی نے امپورٹڈ خوردنی تیل کے لیے حوالہ ہنڈی کاسہارابھی لیا تاہم ملزمان کیخلاف مقدمہ درج کرلیا گیا ہے۔
