The news is by your side.

Advertisement

لاہور ایئرپورٹ پر مسافر سے 4 لاکھ 40 ہزار سعودی ریال برآمد

لاہور : کسٹمز حکام نے لاہور ایئرپورٹ کارروائی کرتے ہوئے بیرون ملک جانے والے مسافر سے 4 لاکھ 40 ہزار سعودی ریال برآمد کرلئے۔

تفصیلات کے مطابق لاہورایئرپورٹ پر کسٹمزحکام نے کارروائی کرتے ہوئے مسافر سے 4 لاکھ 40 ہزار سعودی ریال برآمد کرلئے ، حکام نے بتایا کہ مسافر حسن علی پی آئی اے کی پروازسے دبئی جارہا تھا ، بورڈنگ سے قبل مسافرکی جیکٹ سےغیرملکی کرنسی برآمدہوئی۔

کسٹمزحکام نے مسافر کو گرفتار کرکے منی لانڈرنگ قوانین کے تحت ایف آئی آر درج کرلی ہے۔

یاد رہے چند روز قبل اے ایس ایف کے عملے نے باچا خان ایئرپورٹ پر کروڑوں روپے مالیت کا سونا اسمگل کرنے کی کوشش ناکام بناتے ہوئے دو افغان شہریوں کو گرفتار کرلیا تھا اور 9.9 کلو گرام سوناب رآمد کیا۔

ترجمان اے ایس ایف نے بتایا تھا کہ افغان نیشنل مسافر مسمات سہیلہ الکوزے اور مسافر حواد خالدی سونا دو بیگوں میں لے جا رہے تھے تاہم اے ایس ایف کے عملے نے سامان کو مشکوک قرار دیتے ہوئے تلاشی کے دوران مذکورہ سونا برآمد کیا۔

Comments

یہ بھی پڑھیں