کراچی : جناح انٹرنیشنل ایئرپورٹ پر دبئی سے کراچی اسمگل کیے جانے والی موبائل فون کی بڑی کھیپ پکڑی گئی، ملزم کو گرفتار کرکے مقدمہ درج کرلیا گیا ہے۔
تفصیلات کے مطابق جناح انٹرنیشنل ایئرپورٹ کراچی پر کسٹم حکام نے بڑی کارروائی کرتے ہوئے کروڑوں روپے مالیت کے موبائل فونز اسمگل کرنے کی کوشش ناکام بنادی۔
ترجمان کسٹم نے بتایا کہ دبئی سے کراچی آنے والے مسافر ایم راشد خان سے 50 سے زائد موبائل فون برآمد کئے گئے۔
- Advertisement -
ترجمان کا کہنا تھا کہ ملزم نے موبائل فون انتہائی مہارت سے اپنے سامان میں چھپائے ہوئے تھے۔
کسٹمز حکام نے کہا ہے کہ اسمگل کیے گے موبائل فونز کی مالیت 2 کروڑ 23 لاکھ روپے ہے جبکہ موبائلز پر 66 لاکھ روپے سے زائد کی ڈیوٹی ،ٹیکس چوری کی گئی۔
محکمہ کسٹمزنے موبائل فونز قبضے میں لے کرملزم کے خلاف مقدمہ درج کر لیا ہے۔
