کسٹمز نے کراچی ٹرمینل سے افریقہ بھیجے جانے والے سامان سے اربوں مالیت کی 5 ملین سے زائد ٹراما ڈول گولیاں برآمد ہوئیں۔
کسٹمز انفورسمنٹ کے ڈپٹی کلکٹر رضا نقوی کے مطابق کراچی ٹرمینل سے افریقہ بھیجے جانے والے سامان سے 2.8 ارب مالیت کی 5.6 ملین ٹراماڈ ول گولیاں برآمد ہوئی ہیں۔
ڈپٹی کلکٹر کے مطابق ٹراما ڈول دوا نشہ آور اشیا میں استعمال کی جاتی ہیں اور کئی ممالک میں پابندی ہے، ٹراما ڈول گولیوں کو تولیہ کی برآمدی کنسائمنٹ ظاہر کیا گیا تھا۔
ڈپٹی کلکٹر محمد رضا نقوی نے بتایا کہ کنسائمنٹ کنٹینرز کراچی ٹرمینل سے رسک مینجمنٹ سسٹم سےکلیئر ہوچکا تھا، اینٹی اسمگلنگ اسکواڈ نے پورٹ قاسم پر کنٹینر کو بحری جہاز پر لوڈ ہونے سے پہلے روکا۔
کسٹمز انفورسمنٹ کے ڈپٹی کلکٹر محمد رضا نقوی نے مزید کہا کہ کسٹمز ایکٹ کے تحت مقدمہ درج کرلیا گیا ہے جبکہ ملزمان کی گرفتاری کی کوشش کررہے ہیں۔
پاکستان کوسٹ گارڈز کی کارروائی، 3 ملین ڈالر سے زائد مالیت کی منشیات برآمد
