کراچی : کسٹم انٹیلی جنس نے سائٹ کے علاقے میں چھاپہ مار کر اسمگلڈآٹو پارٹس کی کھیپ پکڑلی، ضبط پارٹس کی مالیت ڈیڑھ ارب روپے ہے۔
تفصیلات کے مطابق ڈائریکٹر کسٹم انٹیلی جنس حبیب احمد وڑائچ نے ٹیم کے ہمراہ پریس کانفرنس کرتے ہوئے کہا کہ کراچی میں اسمگلڈآٹو پارٹس کی کھیپ پکڑی ہے،ضبط پارٹس کی مالیت ڈیڑھ ارب روپے۔
حبیب احمد ورائچ کا کہنا تھا کہ چھاپہ سائٹ کے علاقے میں ماراگیا، 3ماہ میں کسٹمزکراچی نے4ارب روپےکی اسمگلنگ اشیاضبط کی گئی، آٹو پارٹس اسمگلنگ کے کیس میں منی لانڈرنگ کا شبہ ہے۔
انھوں نے بتایا کہ اس کیس میں ابھی گرفتاری نہیں ہوئی ہے تاہم اسمگلنگ روکنے کے لیے سدباب کریں گے تاہم کراچی ائیرپورٹ سے 13 کروڑ مالیت کے آئی فونز ملنے کی تحقیقات جاری ہیں۔
ڈائریکٹر کسٹمز انٹیلی جنس نے کہا کہ کراچی میں ایک شخصیت سے ایک گاڑی پکڑی گئی تھی ،یہ گاڑی غیرملکی شخصیت کےنام پرالاٹ تھی۔
