کلکٹر کسٹمز انفورسمنٹ میرین یونٹ نے بحیرہ عرب میں ایرانی ڈیزل اسمگل کرنے کی کوشیش ناکام بنا دی۔
کلکٹر کسٹمز انفورسمنٹ میرین یونٹ نے کارروائی کرتے ہوئے پانچ افراد کو گرفتار کر کے دو کروڑ 24 لاکھ روپے مالیت کا ڈیزل اور لانچ ضبط کر لی۔
کلکٹر کسٹمز انفورسمنٹ کراچی کے خصوصی میرین یونٹ نے بحریہ عرب میں چرنا آئرلینڈ کے قریب ال عریشہ نامی لانچ پر چھاپہ مار کر اسمگل شدہ ڈیزل بر آمد کر لیا۔
کسٹمز حکام کے مطابق لانچ سے تیس ہزار تین سو پینسٹھ لٹر اسمگل ایرانی ڈیزل برآمد کر لیا، اسمگل ڈیزل کی مالیت 74 لاکھ 62 ہزار روپے ہے جبکہ اسمگلنگ میں استعمال ہونے والی ڈیڑھ کروڑ مالیت کی لانچ کو بھی ضبط کر لیا گیا گیا۔
