ہفتہ, مئی 25, 2024
اشتہار

پی ڈی ایم دور کے وزیر اعظم کے 80 ارب ترقیاتی پیکچ میں کٹ لگانے کی تیاری

اشتہار

حیرت انگیز

اسلام آباد: پاکستان ڈیموکریٹک موومنٹ (پی ڈی ایم) کے دور کے وزیر اعظم کے 80 ارب ترقیاتی پیکچ میں کٹ لگانے کی تیاری کی جا رہی ہے، ذرائع کا کہنا ہے کہ 53 ارب کٹوتی کی تجویز منظوری کے لیے قومی اقتصادی کونسل میں پیش کی جائے گی۔

تفصیلات کے مطابق ذرائع کا کہنا ہے کہ پی ڈی ایم دور میں وزیر اعظم اقدامات کے تحت بجٹ میں 80 ارب کے 9 منصوبے شامل کیے گئے تھے، جن میں سے جولائی تا دسمبر 2023 وزیر اعظم اقدامات کے تحت تقریباً 2 ارب جاری کیے گئے۔

ذرائع کے مطابق ترقیاتی پیکج میں زرعی ٹیوب ویلز کی شمسی توانائی پر منتقلی کے پروگرام کے لیے 30 ارب روپے مختص تھے، بجٹ میں وزیر اعظم لیپ ٹاپ اسکیم کے لیے 10 ارب روپے مختص کیے گئے تھے، چھوٹے قرضوں کے لیے وزیر اعظم یوتھ پروگرام کے تحت 10 ارب روپے مختص تھے، وزیر اعظم یوتھ اسکل ڈویلپمنٹ پراجیکٹ کے لیے 5 ارب روپے مختص تھے۔

- Advertisement -

ذرائع کے مطابق پاکستان انڈوومنٹ فنڈ برائے ایجوکیشن کے لیے 5 ارب روپے مختص تھے، وزیر اعظم آئی ٹی اسٹارٹ اپس اور وینچر کیپیٹل پروگرام کے لیے 5 ارب روپے رکھے گئے تھے، اسپورٹس اقدامات کے لیے 5 ارب، سبز انقلاب پروگرام کے لیے 5 ارب روپے مختص تھے، اور خواتین کو با اختیار بنانے کے پروگرام کے لیے بھی 5 ارب روپے مختص کیے گئے تھے۔

Comments

اہم ترین

شعیب نظامی
شعیب نظامی
Shoaib Nizami reports Finance, Fedeal Board of Revenue, Planning , Public Accounts, Banking, Capital Market, SECP, IMF, World Bank, Asian Development Bank, FATF updates for ARY News

مزید خبریں