سڈنی : سوشل میڈیا پر کار اور سائیکل میں تصادم کی ویڈیو وائرل ہونے کے بعد آسٹریلین صارفین کے درمیان نئی بحث چھڑ گئی۔
غیر ملکی خبر رساں ادارے کی رپورٹ کے مطابق آسڑیلوی ریاست وکٹوریا سے سماجی رابطے کی ویب سائٹ فیس بک پر کار اور سائیکل میں تصادم کی ایک ویڈیو وائرل ہوئی تھی جس میں ایک سائیکل سوار کو ٹکڑ کے بعد گاڑی کے بونٹ پر گرتے دیکھا جاسکتا ہے۔
گاڑی کے ڈیش بورڈ میں نصب کیمرے میں محفوظ ہونے والی حادثے کی اس ویڈیو میں دیکھا جاسکتا ہے کہ ایک سڑک پر گاڑیاں رکی ہوئی ہیں جبکہ سامنے سے ایک کالے رنگ کی کار آرہی ہے جسے سیدھے ہاتھ کی جانب مڑنا تھا۔
ویڈیو میں نظر آرہا ہے کہ سائیکل سوار گاڑیوں کو درمیان سے ہوتا ہوا آگے نکلا اور کالے رنگ کی گاڑی ٹکرا کر بونٹ پر گر گیا جبکہ سائیکل ہوا میں اڑ گئی۔
ویڈیو سوشل میڈیا پر شیئر ہوئی تو صارفین میں بحث چھڑ گئی کہ غلطی کس کی تھی جبکہ ابھی تک اس ویڈیو 1 لاکھ سے زائد افراد دیکھ چکے ہیں۔
