کراچی: صوبہ سندھ کے دارالحکومت کراچی کی باہمت سمیرا نامساعد حالات کے باوجود سائیکلنگ کر رہی ہیں اور نیشنل چیمپئن شپ بھی جیت چکی ہیں۔
تفصیلات کے مطابق کراچی کے علاقے لیاری کی 17 سالہ سائیکلسٹ سمیرا نے اے آر وائی نیوز کے پروگرام باخبر سویرا میں شرکت کی۔
سمیرا لیاری کے ایک غریب خاندان سے تعلق رکھتی ہیں، وہ اپنی مدد آپ کے تحت سائیکلنگ کرتی رہیں اور نیشنل چیمپئن شپ جیت چکی ہیں۔
سمیرا کا کہنا تھا کہ لیاری کو بہت بدنام کیا جاتا ہے کہ یہ اچھا علاقہ نہیں ہے، اس چیز نے انہیں اکسایا کہ وہ لیاری کی روشن تصویر بن کر سامنے آئیں۔
انہوں نے بتایا کہ وہ نویں جماعت کی طالبہ ہیں اور ان کے امتحان ہونے والے ہیں لیکن وہ پھر بھی روزانہ 3 گھنٹے سائیکلنگ کی ٹریننگ کرتی ہیں۔
سمیرا چاہتی ہیں کہ وہ اولمپک گیمز میں حصہ لیں لیکن ان کے پاس اس کی تیاری کے لیے وسائل نہیں ہیں، وہ چاہتی ہیں کہ انہیں سپورٹ کیا جائے تاکہ وہ اپنی محنت سے پاکستان کا نام روشن کرسکیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں