نئی دہلی: بحیرہ عرب میں سمندری طوفان بیپر جوائے کے سلسلے میں بھارتی محکمہ موسمیات نے آئندہ 6 گھنٹے اہم قرار دے دیے ہیں۔
تفصیلات کے مطابق بھارتی موسمیاتی ادارے آئی ایم ڈی نے اتوار کو کہا ہے کہ بھارت میں طوفان بیپر جوائے کے باعث ساحلی ریاستوں میں الرٹ جاری کر دیا گیا ہے، اور آئندہ چھ گھنٹے اہم قرار دے دیے گئے۔
بھارتی میڈیا کے مطابق بِیپر جوائے 5 کلومیٹر فی گھنٹہ کی رفتار کے ساتھ شمال کی جانب بڑھ رہا ہے، جس میں آئندہ 6 گھنٹوں میں مزید شدت آنے کا قوی امکان ہے، جس کے باعث ریاست گجرات، مہاراشٹر، گوا اور دیگر ساحلی علاقوں میں شدید بارش کا امکان ہے۔
بھارتی محکمہ موسمیات نے ماہی گیروں کو سمندر میں پانچ روز تک نہ جانے کی ہدایت کر دی ہے۔
سمندری طوفان کراچی سے 770 کلو میٹر کے فاصلے پر پہنچ گیا: محکمہ موسمیات
محکمہ موسمیات کے مطابق ایک ’’انتہائی شدید‘‘ سمندری طوفان مشرقی وسطی بحیرہ عرب میں 11 جون کی صبح پوربندر کے جنوب-جنوب مغرب میں تقریباً 510 کلومیٹر دور واقع تھا۔
VSCS BIPARJOY intensified into an ESCS at 0530IST today, about 480 km SSW of Porbandar, 530 km SSW of Dwarka and 610 km SSW of Naliya . To cross Saurashtra & Kutch and adj. Pakistan coasts bw Mandvi, Gujarat and Karachi, Pakistan around noon of 15th June as VSCS. pic.twitter.com/AZsK1Wqzqi
— India Meteorological Department (@Indiametdept) June 11, 2023
آئی ایم ڈی کی پیشگوئی کے مطابق طوفان اگلے چھ گھنٹوں میں ’انتہائی شدید‘ سائیکلونک اسٹام کے طور پر شدت اختیار کرے گا اور 15 جون کی سہ پہر کے قریب پاکستان اور اس سے ملحقہ سوراشٹرا اور کَچھ کے ساحلوں تک ’انتہائی شدید سمندری طوفان‘ کے طور پر پہنچے گا۔
