کراچی : کیار طوفان کراچی سے سات سو بیس اور گوادر سے چھ سو پچیس کلومیٹر فاصلے پر ہے، ابراہیم حیدری اور کیماڑی کے بعد طوفانی لہریں مبارک ولیج سے بھی ٹکرا گئیں۔
کچی بستیاں ڈوبنے لگیں۔ گوادر کی ساحلی بستی میں سمندر کا پانی گھروں میں داخل ہو گیا۔ کیار طوفان کا رخ عمان کی طرف لیکن اثرات سیکڑوں کلومیٹر دُور تک پہنچ گئے۔
طوفانی لہریں کراچی اور گوادر سے ٹکرا گئیں مبارک ولیج میں پانی آبادی میں داخل ہوگیا جس کے باعث کئی کچے مکان بہہ گئے۔
ابراہیم حیدری کے ریڑھی گوٹھ، لٹھ بستی اورچشمہ گوٹھ کے سمندری پانی داخل ہونے سے گھروں میں نقصانات ہوئے۔ کھلے سمندر سے سیکڑوں کشتیاں واپس آچکی ہیں۔
شکار پر بھی پابندی ہے۔ گوادر کی ساحلی بستی کے درجنوں گھروں میں سمندر کا پانی داخل ہونے سے دیواریں اور مکانات گرگئے۔
مزید پڑھیں : سمندری طوفان ‘کیار’ کی کیٹگری 5 سے 4 میں تبدیل
ضلعی انتظامیہ نے ٹینٹ اور ہیوی مشینری پہنچا دی۔ ٹھٹھہ اوربدین میں بھی سطح سمندر میں اضافہ ہوا۔ انتظامیہ نے ساحلی پٹی پردفعہ ایک سو چوالیس نافذ کر رکھی ہے۔
